Luhongbagi lei-koiba makhal ac houjikti makhal mari sure. Gouriya laining chatpasingi leikoi makhal ama aduga Sanamahi laining chatlabani haiba singi leikoiba makhal ahum punna marisure. Makhal sing adudi makhada thamjari :------------------
1.Gouriya Laining Chatpa singi Leikoi :
Luhong-phalda famliba piba adugi oiromdagi leikoiba houbaduna tangkhai chanlakpada pibadugi yetlomdagi lei chaiba, kutkoi taret lak koiba acna Gouriya laining chatpa Meetei singi leikoini. Macmakti mapan lamgi mayang singna chatnaba natte, Gouriya lainingi leikoi kanglonsu natte. Gouriya laining changlak-tringaigi Meetei eikhoigini haiba mathang mathang Pandit Loishangi Pandit Achouba oiramba singna hai. Luhongdouriba pibana famliba luhongphal ac Pakhangpana mapabung Salailel Sitapagi fambal phankhong maribu yetoinana haibadi fambalbu yetta thamlaga taret lak koiduna Nongkhong koibagi mahut sinna mapa mashak khangba “Pakhangpa” mingthol fangkhiba, fambal tongkhiba mapabungna sinaramba fambal adugi mashakni haibasu Pandit singna amatta oiba wari liduna taknarak-e. “Nongkhong- Thengourol” kouba leiriktadi Sanamahina mapabung khuram-lamlaga mapabung yetta thamna yetoinana Nongkhong 7 lak koikhibagi khutkoi 7 adu pafal oina yektuna yaori. Pakhangpanasu mayambung Sanamahina nongkhong 7 lak yetoinana koikhiba adu hanlaktringaida Leimarel Sitapi mamada hangjaraga mapabungi phankhong adu yetoinana 7 lak koiduna mapabungi fambal adu fangjakhibagi khutkoi 7 adu Nongkhong-Thengourol acda yektuna animak khutkoi chap manabadu uttuna yaori. Aduna fambal adu kagadouriba luhongadouribi Leima acna Nongkhong-Thengourolgi yetoinana (luhong phal amadi famliba pibabu yetta thamduna) 7 lak koiduna leichai 7 lak chairaga lei huknaduna fambal tongminei. Meeteigi asengba luhongbagi leikoini khangna kaihandana tounari. Toubatabu tangkhaida, mapung fadana lei chaiba acmadi Iningthou Chandrakriti Sana haktakta luhongbagi thouram yaokhibada Iningthougi mangda oina (sona sangi santhong kachindagi khajik chatlaga ningthougi firangji famfam oibana) chaihanlu takpibadagi tangkhai faobadang koiraga lei chaiba ac chatnakhibani haibasu Pandit singna khanghouba uhouba oibana houjik faoba khangnari. Adunadi tangkhaida chaiba acmatang mapung fana koiraga pibagi yetlomdagilei chaiba onthoklabadi hanagi chatnajaramba enat adu senglagani.
2.Mathanga Onana Tung Onthoklaga Oioinana Leikoiba :
Khutkoi acdi chahi kharatamak ngairi. Mapuroiba oigadouriba pibabusu, Pakhangpagi fambalgi mashak louriba luhong phalbusu, Salailel Sitapana lengsanduna leiriba mayaigi men urepusu, Mayai Kangla sonapungda lengsanliba mapugi fambalbusu lei koiriba Leimagi oida ngamnamak thamlaga Sibada chatpa Singkhum lambida oioinana koihanbiba, karisu khangjadribi Leimabu onthokpa lambida luhong lei koihanliba acmadi Puyada yaogadabasu leitre, Gouriya laining, Ramandi laining changlak-tringai Sanamahi laining chatlingaigi Maichou laioikhraba singdugi haktakta chatnarakhibasu nattre. Kari wakhaldagi, kanana, karam touna, kari khanlaktuna tourakhibano khangdre. Sanamahi lainingda chatnarakhiba leikoidi suknat-nattre.
Lai haraobada Laibu yetta thamduna yetoinana Laibou Jagoi sai. Laishang manungda Lai lengsanli, laishangbu yetta thamna yetoinana 7 lak laipou chatli. Haraobagi Lainingthou-Lairembi haraoshangi mayaida fambal langdey, leite. Luhongbagi Kuja pot, Apok-Asa potlam pumnamak fambal yetoinana sonashangi makha pangbada changnariba acni. Angang Eepan thabagi pot sonapung mayai kanglagi yetoinana pusinariba acni. Malemga Numitka Pi-Pagi mari leinadey. Korou nongna wangbara Panthou Eepana mahenli hairiba ac mapan naidaba Atiya korou nongmadol acna numittagi henna chaoba thawanmeechak lising lakha kaya thokli mapan naidana chaokhraba Korou nongdol Atiya acna Eepani Malem Leimana Eema oibani. Numitpu malemna koiba khutkoida mari leinadana paksinbasu yaroi. Touheidaba wafam oigani. Samna hairabada Maichou Laioiraba singi khongul muthatpani. Khongul liduna chatpadi nattre.
3.Sanamahi Laining Chatpa Houdorakpa Singi Leikoi:
Gouriya laining chatpasingi leikoi ac tangkhaida lei chaiba toklaga mapung fana luhongphal koiraga yetoinana 7 lak koiraga pibagi oidagi lei chairabadi Sanamahi laining chatpa houdorakpa singi leikoi enat aduga manaragani. Pakhangpagi fambal sakna luhong phal thaba maramna fankhong koikhiba paring chumna chatpana thoidokna koithokna panlubagi mathou tadre haina thamjaba yare.
4.Suk-Koi Hek Koidraba Luhongba:
Mana-mana thokpa pangpuda puthoknare yengningdre khare haiduna luhongbada lei suk-koi hek koidana leplaga 7 lak lei chairaga lei huklaga tokpa meetna fana yamna unare. Macmana foumai chabira khangdre. Fou taiba meedagisu fou wangadaba meedagisu animaktagi foumai haiduna chabidura haina khanabigadabata mangairey.
------------------------------------------xxx-----------------------------------------------
No comments:
Post a Comment