SAGOL KANGJEI : POLO

           SAGOL KANGJEI :

     The International Game (Polo)

 Kangleipaki furupki masana (National Game) Sagol Kangjei (modern Polo) asi malemda Kangleicha singna houdoktuna khudol tamduna furup laki masana (International Game) ama oihankhribani. Masana asi Kangleicha singna Christa pokadaba chahi 3100 watlingaidagi (3100 B.C dagi) Kangleipakta sanarakle haiduna Guinness Book of World Records, 1991 gi khutnam (edition) gi lamai 288 da mayek lana eeduna malemda taktuna fongkhrabani. Malem pumbabu ngaknahanliba ngaonahanliba masana asigi mapu Kangleicha singni. Sagol Kangjei sanaba hourakpagi matam Christa pokadaba chahi 3100 B.C watlingaigi chaokhatlon (civilization) adu Maliya Fampalcha kumsing 3410 suba ngasigi Christagi chahiron 2013 + Christa mamangi chahiron 3100 B.C ( 2013 + 3100 = 5113 ) chahi 5113 sure.

Kangleipaki ariba latam singi matung inna Sagol Kangjei asi ehan-hanna Chingngu Laiyam singna sanakhi haina panli. Maikei ngakpa Chingngu Marjing amadi Thangjing anina nakal nakalgi luchingba oinaraga sanakhi haiba thengnei. Sanaba asida nakhal animakta Chingngu 7/7 na meechang oinaraga sanakhi. Sanabagi matoudi awang amadi kha maikei animakta panjanfam oinakhi.

Awang Maikei Lomda :

1.    Marjing - Panngakpa (Main Back)

2.    Khamlangba - Panngakchang (Second Back)

3.    Irum Ningthou - Pallakchang (between two Backs)

4.    Ikop Ningthou - Langjei Ningthou (Central Forward)

5.    Panthoiba - Panjenba (Main Forward)

6.    Nongsaba - Panjengchang(Second Forward)

7.    IrongNingthou - Pallakchang (between two Forwards)

Kha Maikei Lomda:

1.    Thangjing - Panngakpa (Main Back)

2.    Khoriphaba - Panngakchang (Second Back)

3.    Wangbaren - Pallakchang (between two Backs)

4.    Yangoi Ningthou - Langjei Ningthou (Central Forward)

5.    Loyalakpa - Panjenba (Main Forward)

6.    Oknaren - Panjengchang (Second Forward)

7.    Nambullakpa - Pallakchang (between two Forwards)

Chingngu Laiyam singi matungda Iningthou Kangbagi matamdasu sanarakhi. Ngasidagi chahi 3410(2013 A.D) gi mamangda fambal tongduna ningthou oina panlamba Maliya Fampalchagi mamangda panlamba ningthou Kangbana chahi 3500 ( 1400 B.C) gi mamangda Sagol Kangjeigi kanglon, thaksi-khasi-thougallon, sanarolbu amuk faja handuna semdoktuna henna mapung fanlakpagi thoudok wari Kangleipaki meehourolgi latam singda eeduna leiri. Masigi matung Cheitharol Kumpabagi matung inna  Meidingngu Khagembagi sana haktak (1597-1652) dadi meeyamna paksanna toina sanakhibagi matang panli. Khagembagi matamdagi houna Kangjei gidamak Paana 6 thamkhi. Makhoi sing adudi :-

1.Ahanllup - Angouba machugi furit litpa

2.Nahalup - Napu machugi furit litpa

3.Khabam - Ashangba machugi furit litpa

4.Laipham - Angangba machugi furit litpa

5.Hidak Fanba - Amuba machugi furit litpa

6.Potshangbam - Higok machugi furit litpa asinachingbani.

1850 - 1886 ta pankhiba Maharaj Chandrakriti sana haktaktadi khwaidagi hanna 1859 da British singna Cachar dagi khangkhibaga loinana Polo Club lingkhi. 1869 da Kolkata dagi England youkhiduna Aldershot ta mapung fana sanakhi. Anirak suba oina London gi Hells 1871 da sanakhi. Masigi matung ekui-kuidana 1869 gi July thada William Hansley (Prince of Wales) na Kolkatada lakpa matamda Kangleicha singna sanaba yengkhi.1874 da British singna Hurlingham Club semkhibaga loinana sanabagi kanglonsu nouna amuk semdok sadoktuna 1882 da maikei amamamgi sanaroi 4/4 da hanthahankhi.1921 da International Committee na mauk nouna fajana chatna kanglon semkhi. Games Gordon Benneth kouba America macha amana1879 da USA da kangdrum (polo balls) amadi kangjei khara pukhiduna New York ta Texas ki ponie kharaga loinana Dickel’s Riding Academy da mayam punna Sagol Kangjei masana tamkhi. Madugi matungda New York ki awangda leiba Germa Park ta amuk sanakhi. Masidagisi USA gi awang nongpok maikeida pak sanna sandokhiduna mameidadi International Game ama oikhi. 1980 da United States Polo Association semkhi. 1886 ta malem pumbagi oina sanabada England amasung USA na final sanakhi.1901 da British India gi Viceroy Lord Curzon na Kangleipakta laktuna sanabagi pak chaobagi chang lepkhi. Mayung maphel pak chaoba gauge 225 masung 110 oiduna Mapal Kangjeibungda semkhi. Mafam asida makhong yungduna panjanfamsu semkhibadagi Polo Ground haina khangnakhi.Matungda mafam asigi matou louraga atei mafam singdasu sanarakhi. Malemgi Khwaidagi ariba Polo Club asi 1959 da lingkhatkhiba Cachar Polo Club ni.

19th amadi 20th suba chahi chagi Sagol Kangjei masanagi athoiba Kangleipaki sanaroi singdi:- Labanyachandra, Madhuchanda, Manao Ibungo Koireng, Pakasana, Angousana, Pheijaosana, Kulachandra, Gopalsana, Jilangamba, Gandhar Yambem Arambai Heiba asinachingba panba yai.Churachand Maharaj amadi iningthou Budhachandra sana haktaki athoiba sanaroi singdi :- M. Iboton (secretory oiramba , All Manipur Polo Club, Imphal), Thambalsana, Kanhai Sana, E. Chaoyaima, Shyamjai Sharma, Th. Chaoba, Sana Mityeng asinachingba maming panba yai.

Waroisin:

Kangleipak tagi Sagol Kangjei (modern Polo) masana asi houdokhibani haibasi yetnaningai leitraba taseng tasenglaba malem pumbana yanaraba wafamni. Malem asida chaothok chaningai oiraba masana Sagol Kangjeibu khudol tambiramba eikhoigi laioikhraba Eepa-Eepu sing adugidamak eikhoina Kangleicha ama oina chaothok chaba  faojei. Makhoigi eeni, makhoigi macha masuni haibada malem asida Kangleicha singi mai khugadaba amata leite. Henna nungairibadi Encyclopedia Britanica gi matung inna Irish National Game oiriba Hurling haiba masana madi Hockey asi Sagol Kangjei (modern Polo) asidagi matou louduna oirakhibani haina panli. Loinana Criket amadi Golf masana sing asisu Sagol Kangjei (modern Polo) asidagi matou tamduna oirakhiba yabagi oithokpa chaona lei haina panli. Henna kuppa warolgidamak makhagi lairik sing asida yengbiyu :-

1. Ningthou Kangbalon Puya

2. Kangcheilon Puya

3. Cheitharol Kumpaba

4. Encyclopedia America International Edition,Vol – 3

5.Compton’s Pictured Encyclopedia, Vol – II

6.Encyclopedia Britanica, 11th edition, Vol – XXII

7.Modern Polo by E.D. Miller

8.Position and Team Play In Polo by W.B. Devereux

9. An Introduction to Polo published by Hurlingham Club in 1912

10.The Polo Monthly (London 1909– 39)

11.The Game of Polo by T.F. Dale(1899)

12. Riding and Polo by J.M.Brown (1895)

13. Tournament Polo (1897)

14. Polo by T.B. Drubrought(1906)

15. Oxford Junior Encyclopedia –Vol IX

16. Chamber’s Encyclopedia, NewEdition, Vol XI

17. The Guinness Book of World Records, 1991 Edition