Nupi fubagi kannaba

Ngasidi wari macha amakhak paminnasi marup sing.

"Nupi fubagi kannaba"

Mamangei gi matamda Laining parei chetpa mabuk mapao faba nupa ama  leirami. Magi loinabiduna machin khara kanbini.... Nupaduna mabuk mapao gare matik nupidunasu nupaduda thouoi usittaba wangang kaya nganglami...

Nongmadi nupadu mana ningjariba Lai duna penbibadagi"niningba ama niyu" haibibadagi nupaduna "thawai panba khudingmaki marol khangba ngamjage" haina nirami. Laidunasu pibire aduga wafam amasu hairami "kanagumba amatada haidokpadi yaroi".

Nupadu mayumda hallaklaga chak chanaba thourang toure,mana thajaba mapuda chadringei chak ensang khara katli.
  Katliba Chaktuda haying matei manao anikhak pairaklaga tonglami aduga mabuk thana charaga machasinggi kharasu punaba chak kharasu khandoktuna thamlammi... Mitkuptuda kakcheng matei manao 2 khaksu laktuna hayingna khandokliba chaktu punaba hotnarami...
     Hayingna " eikhoina punaba thamliba chakni,atoppa dagi thirucho" hairak ee.
Kakchengna hai "nakhoina semba chinjakla angamba punagadabani,kansinduna thamba yaroi". Asumna kakcheng ga hayingga khatnarami.

   Thawai panba khudingmaki marol khanglaba nupadu pikhraba kakcheng ga hayingga katnabadu uraga nokninglaktuna nokthokle.
   Matangduda magi nupina " chak chagedi haidraga matomta noktuna leiramle,nupa nang ganja thaklakpra? Kanaga pullui? Kari charui" haina takhatlakle....nupadu na "karisu toudeda" haina khumbada nupiduna ngangba  henjillaklami.

   Ngangba henmallakpadagi nupaduna khara fagadra khanduna" noklisigi maram haidokpa yade,hek haidokpada ei khudaķta sidoini" hairure...madu hairubadagi nupidu hannadagi henna sathiba henjillakle. " kari haidokpa yade,haidokpada siba wabu leibra? Haidoktaba yaroi" haina awoinana takhatlakle. Nupasi makok fajana sare,karinunggi laidagi  nijarubanu khallakle...Laioikhraba mapa mapu kouduna o khongna kaplakle.
Kaplasu pambei leiraroi khanduna magi nupiduda mana asumna hairami
"Fare  nupi nangna mayadrabanina ei haidoklage, adubu wafamsi hek haidokpada ei sirani, aduna ei sirasu, meeyamna' Langjaruba aranba kaya kokpigani khanna kokthok chamthoknaba eerupnariba asengba Laiphamdagi chentharakpa achouba turelgi eerel achouba mapanda sijarage. Aduna turel mapanda chatsi". Waheising si tabada nupiduna "fare chatsi,nang sige siyu wa haidokpada mee siba hounade".
Asumna makhoi ani turel mapanda laklami.

Turel mapan yourakle, nupadu turel mapanda famduna akoiba mafamsing yengduna taibang pan thadoktuna chatlani khanduna mamitta eera chenduna hikna hikna kaplammi.
Nupidunasu kanna taksillaklammi.

   Nupaduna Turel,khongnungda yenglakpada 'Gumbhir' ama eeshing eechelda hangatna asiba saduna taokhatlaklammi.
Matangduda 'meerolbi  chaningbana yarak hakacharabi 'Lamhui ammom amaga   mapuroiba amagasu turelda sapum ngapum thiba laklami'.
Gumbhir ama asiba saraga taobaduda Lamhui amomduna  mapuroiba aduda
"Nupa Gumbhir asiba ama taoure masi loukhatlaga chasi,fana kuina chanarani".
Labaduna hairak ee"nupi Gumbhirsi asiba natte thawai mangnabani"
Amomduna "nupa thokte, mironbagi chage haibani ngahanwaidi eesana thiraga chabani,atanba nupa amaga loinarubadagi eecha mirolbabu ahaoba amata chaba fangde", haina kaplaklammi. Nupaduna saona " he nupi eeshing eechelda hangatna taokhatliba Gumbhirsi kanagi asibano? Nangisibu ei hatlage haiba natra" hairaga amomdu phuraklami.....

Ngasaidagi  Lamhui anigi wari taramba,sirani khanna kaplamba nupadu fuk hougatlaga narakta changsinkhre,makhut chaba chei ama pairaga magi nupida "nupi nang eigi haidokpa yadaba wasi taningibra?" hairaga licheidusa santharaklami.nupidu ahanbadadi chei khanglaga machil khumlammi.nupaduna leptana furakpadagidi nupidu wariga tajararoi haiduna chenkhirami.
Nupadu nunupi fubadagi mathwai manglamgadabadu hinghoukhi.

Matang chana nupi fubasu kannagani.